- 香港人的分享平台
立即下載
從 App Store 下載從 Play Store 下載
FinKAB
2019-01-18
【利是錢理財】子女新年利是滾滾來 如何趁機灌輸正確理財觀念?

利是錢原來都有段故

農曆新年就快到,小朋友最開心嘅莫過於係向長輩逗利是,FinKAB會一連幾日講解小朋友對於利是錢要知道嘅概念。迎接金豬,第一篇會先講解利是錢嘅由來同埋發展。

利是錢係中國南方人嘅叫法,又叫做壓歲錢,相傳古時家長喺年三十晚用紅包裝住八個銅錢,放喺小朋友嘅枕頭下,用嚟壓住一種叫做「祟」嘅妖怪,等妖怪唔好騷擾同埋整喊小孩。由於「祟」同「歲」諧音,所以壓祟錢又名壓歲錢。雖然用錢嚟鎮壓妖怪嘅功效不得而知,但係長輩將錢放入紅包俾小朋友嘅習俗,就變成演變到今時今日嘅「利是」文化,寓意長輩透過紅包將祝福、平安帶俾後輩。

隨着社會嘅進步、金錢嘅演變,利是已經由八個銅錢、紙幣、發展到近年手機流動錢包嘅紅包充值、派發功能。小朋友應該明白利是錢嘅多少並非重點,更加唔應該比較親友、長輩所給的金額而決定關愛的多寡,反而要學識點樣管理同運用利是錢,實現自己嘅目標。

利是錢去咗邊呢?

當小朋友收到利是錢本應好開心,但係一問之下,佢地嘅反應都好一致,「啲錢都唔係我度,俾返晒阿爸/阿媽」。的確,好多時都會見到小朋友一手收利是,一手馬上乖乖上繳父母,交由父母代為保管,到小朋友大個嘅時候先可以攞錢,有時仲冇權過問,可以話同某類儲蓄保險產品有異曲同工之妙。

一下子收到咁多利是錢,父母擔心小朋友亂花錢係可以理解嘅,但係都要明白「冇錢到手」令小朋友錯過咗好多學習管理金錢嘅機會。小朋友冇錢喺手,分分鐘連自己今年收到利是錢嘅金額都唔太清楚,小朋友就冇機會認識、實踐使用金錢嘅方法,例如要先正確分配儲蓄嘅部份、分清楚想要與需要、決定每個消費項目嘅上限等。如果利是錢由家長代為全權管理,學習理財嘅只會係家長,小朋友長大後只會收到「本金與回報」,卻正正缺乏咗理財嘅知識同埋管理金錢應有嘅態度。

Facebook: https://www.facebook.com/FinKAB/

FinKAB
親子理財
新年
利是
撐場精選帖文
「香港甚麼都有,就是缺乏對藝術的尊重」――本地畫廊老闆Fabio Rossi 談香港人買畫「投資」的迷思
「香港甚麼都有,就是缺乏對藝術的尊重」――本地畫廊老闆Fabio Rossi 談香港人買畫「投資」的迷思
李偉民 2019-08-17
【閱評流.樂評】許廷鏗:我們與愛的距離   一直掌握在自己手裡
【閱評流.樂評】許廷鏗:我們與愛的距離 一直掌握在自己手裡
閱評流 2019-08-17
【批判思考】思辨時潛在的七大障礙 保持好奇心和開放心態更重要
【批判思考】思辨時潛在的七大障礙 保持好奇心和開放心態更重要
蝦你先生 2019-08-16
《小三妻》(The Third Wife)| 情慾自主的極致境界。
《小三妻》(The Third Wife)| 情慾自主的極致境界。
Movie Buddies – 電影筆友 2019-08-16
牛油果控留意!
牛油果控留意!
營養生 2019-08-16
杞子vs黑杞子
杞子vs黑杞子
營養生 2019-08-16